Իսրայելի պետական հեռուստաալիքի՝ Kan 11-ի կողմից կատարված սխալի հետևանքով «Եվրատեսիլ» երգի մրցույթի կիսաեզրափակչի հեռարձակման ժամանակ Հայաստանը ներկայացվել է Ադրբեջանի դրոշի ներքո։ Այս միջադեպը մեծ ցնցում է հասցրել Իսրայելի հայ համայնքին։
Ինչպես հայտնի դարձավ, տեղի ունեցածը խմբագրական սխալի արդյունք է, որը չի պետք ընկալել որպես միտումնավոր սադրանք։ Այս կարծիքը հայտնեց Պետահ Տիկվայի «Նաիրի» իսրայելահայերի միության նախագահ Արտյոմ Չերնամորյանը։ Նրա խոսքով՝ նման անփութությունն ավելի շատ դրսևորվում է, քան կանխամտածված քայլ։ Նա նաև հայտնեց, որ կիրակի օրը պաշտոնական նամակ է ուղարկելու՝ պահանջելով ներողություն խնդրել։
Արտյոմ Չերնամորյանը նշեց նաև Kan 11-ի հետ կապված մեկ այլ սկանդալի մասին, որը տեղի էր ունեցել 2025 թվականին։ Այդ ժամանակ «Եվրատեսիլ»-ի Հայաստանի մասնակցի ելույթից հետո հեռուստաալիքի մեկնաբանն ասել էր՝ «Չեմ հավատում, որ մենք նրանց Երուսաղեմում մի ամբողջ թաղամաս ենք տվել։ Survivor՝ հենց այսպես ենք մեզ զգում այս երգը լսելուց հետո»։
Այդ միջադեպից հետո Հայաստանի Հանրային հեռուստաընկերությունը դիմել էր Իսրայելի հանրային հեռարձակողին՝ պարզաբանումների պահանջով։ Ի պատասխան՝ հայկական կողմը պաշտոնական նամակ էր ստացել կորպորացիայի գլխավոր տնօրեն Գոլան Յոխպազից, որով վերջինս ներողություն էր խնդրում մեկնաբանի արտահայտությունների համար։ Ավելի ուշ Իսրայելի հանրային հեռարձակող կորպորացիան հանդես էր եկել նաև հրապարակային ներողությամբ։
